Bie numri i azilkërkuesve në Austri

Numri i azilkërkuesve në Austri ra në mënyrë të konsiderueshme në vitin 2018, krahasuar me vitin paraprak, ku midis janarit dhe dhjetorit 2017 u paraqitën 24 735 kërkesa për azil, sipas shifrave nga Ministria e Brendshme austriake, e cituar gjithashtu edhe nga gazeta “Oesterreich”.

Në vitin 2018 kishte 13 400 aplikime, që ishte një ulje prej 45,8 %. Në vitin 2015, në Austri ka pasur 88 340 kërkesa për azil, transmeton “ATSH”.

Duke krahasuar vendet e origjinës, më shumë aplikime erdhën nga sirianët, 3 307, përcjell albinfo.ch.

Në vitin 2018, 7 356 sirianë kërkuan azil, një ulje prej 55%.

Më 31 dhjetor 2018, kishte ende 38 053 raste të aplikimit të hapur, prej të cilave 30 518 ishin të hapura në shkallën e dytë, ndërsa në fund të vitit 2017 pati 56 304 raste.