9 marrëveshje mes dy qeverive edhe ajo për bizneset për diasporën

Në mbledhjen e pestë të përbashkët ndërmjet dy qeverive janë nënshkruar 9 Marrëveshje, dy Protokolle dhe një Memorandum, nga ministrat përkatës të dy qeverive.

Marrëveshja e parë ka të bëjë me bashkëpunimin për nxitjen e biznesit dhe të informimit të diasporës, marrëveshja tjetër është ajo për njohjen reciproke të patentë shoferëve, kontrolli doganor në pikën e përbashkët të kalimit kufitar Morinë-Vërmicë”, marrëveshja për bashkëpunim në fushën e borxhit publik, financimeve të huaja dhe marrëdhëniet me institucionet financiare ndërkombëtare, marrëveshja për heqjen e çmimeve të shërbimeve Roaming si dhe marrëveshja për “Bashkëpunim në fushën e rinisë dhe një marrëveshje tjetër është arritur për fushën e shëndetësisë, shkruan Albinfo.ch

Ndërsa me propozim të kryeministrit Rama është marrë vendim që zv.kryeministri i Kosovës, Fatmir Limaj, të jetë koordinator kombëtar i dy qeverive për mbikëqyrjen dhe zbatimin e marrëveshjeve të arritura. Ndërsa kryetari i Kuvendit të Kosovës, Kadri Veseli, ka përshëndetur marrëveshjet që u nënshkruan, duke thënë se shpreson që ato të gjejnë zbatim, e jo të mbesin vetëm pjesë e diskursit publik.