Pacolli: Kosova e gatshme për INTERPOL

Ministri i Punëve të Jashtme të Kosovës, Behxhet Pacolli ka deklaruar se Kosova është vendi më i dëshmuar në luftën kundër krimit të organizuar ndërkombëtar dhe terrorizmit dhe i ka plotësuar të gjitha kriteret për të qenë anëtare e Interpolit.

Në prag të takimit të radhës të kësaj organizate ndërkombëtare, Pacolli ka thënë se Kosova mund të bëhet pjesë e cilësdo organizatë ndërkombëtare të sigurisë, shkruan telegrafi.

“Jemi jashtëzakonisht krenarë që në një periudhë të shkurtër të shtet ndërtimit kemi arritur të ndërtojmë kapacitete të tilla që përbëjnë aleatët kryesor të perëndimit në regjion kundër radikalizmit dhe terrorizmit ndërkombëtar. Prandaj, Kosova më shumë se kushdo tjetër i ka të plotësuara kriteret për të qenë pjesë e cilësdo organizatë ndërkombëtare të sigurisë, duke e përfshirë INTERPOL-in”, ka thënë Pacolli, përcjell albinfo.ch.