Rikthehet në Kaliforni peshku i çmuar

"Ky është menaxhimi efektiv dhe aktualisht është duke funksionuar", tha DiNardo.

 

Tuna e kaltër për dekada me radhë nuk është parë në ujërat e Kalifornisë. Por, rikthimi i shumëpritur për kënaqësinë e sportistëve dhe shkencëtarëve u realizua pas përpjekjeve globale. Këto përpjekje janë dëshmuar të jenë efektive për një nga peshqit më të çmuar dhe më të kërkuar të oqeanit. Mbipeshkimi i peshkut tuna është nxitur nga një oreks global në rritje për sushi, e që rezultoi në një rënie kritike të stoqeve gjatë dekadave. Por masat nga Shtetet e Bashkuara, Japonia, Meksika dhe të tjerët për të kufizuar kapjen e tyre, kanë çuar në rritjen e popullsisë Gerard DiNardo, drejtor i Divizionit të Burimeve të Peshkimit, ka thënë se ka pasur rritje të popullsisë.

“Ky është menaxhimi efektiv dhe aktualisht është duke funksionuar”, tha DiNardo.

Temperaturat rekorde në San Diego këtë verë dhe ngrohja e oqeanit jashtë bregut të Kalifornisë gjithashtu kanë siguruar një terren për shumimin e peshqve, që peshojnë deri në 113 kg që mund të shiten për qindra mijëra dollarë. Në fillim të janarit, një peshk tuna 400 kilogramë u shit për 323,000 dollarë në Tokio. Shkencëtarët thonë se ka pasur diskutime brenda komunitetit të peshkimit për vite me radhë për zhdukjen në dukje të peshkut tuna.

---