Për 11 vite janë dyfishuar çmimet e pronave në Cyrih

Një raport i ri tregon rritjen e kostos së blerjes së apartamenteve në Zvicër gjatë 11 viteve, veçanërisht në qytetin më të madh të vendit, që është prekur shumë nga rritjet më të mëdha.

Krahasimi i çmimeve nga Comparis dhe ETH Zurich kanë nxjerrë një raport që tregon dallimin në çmimet e pronave të Zvicrës në krahasim me 2007, shkruan “The Local”.

Në Cyrih tani kushton pothuajse dyfish (një rritje 97%) për të blerë një apartament, me çmimin për metër katror rreth 13.000 franga zvicerane, përcjell albinfo.ch.

Raporti tregon se ka pasur shumë ndryshime midis pjesëve të ndryshme të Zvicrës, megjithatë zonat pranë liqeneve kanë pasur rritjen më të madhe të çmimeve. Nëntë nga dhjetë rritjet më të mëdha janë parë në rajonet e liqenit.

Pas Cyrihut, ndryshimet më të mëdha u përjetuan nga distrikti Horgen (+ 89%), kantoni i Nidvaldenit (+ 82%) dhe qyteti i Neuchatel (+ 80%). I vetmi vend ku ranë çmimet ishte rrethi i Goms në kantonin Valais, Zvicra jugore (-2%).