Basha bënë thirrje të luftimit të mafias në pushtet

Ka rezultuar se është i rremë audio përgjimi i shumëpërfolur i ‘Babales’. Prokuroria e Krimeve të Rënda ka bërë me dije se personi që interpretonte zërin e vëllait të ministrit të Brendshëm Fatmir Xhafaj, Agron Xhafaj është Fredi Alizoti, ndaj të cilit ka kërkuar masën e sigurisë “arrest me burg”. I menjëhershëm ka qenë reagimi i kreut të PD-së, Lulzim Basha sipas të cilit nuk pritet asgjë tjetër nga prokuroria.

“Kush priste diçka tjetër nga prokuroria Rama-Marku-Xhafa-Prela është vetëm naiv. Agron Xhafaj që i fshihej prej 5 vitesh drejtësisë me ndihmën e vëllait, u largua me urgjencë drejt Italisë, që të mos përballej me hetimin dhe akuzat që prokuroria e kapur i quan sot montim”, shkruan Basha në reagimin e tij.