Prishet festa e beqarisë, vritet 1 dhe plagosen 7 persona, arrestohet një shqiptar

Një ngjarje e rëndë ndodhi mbrëmjen e djeshme në Itali, aty ku një person mbeti i vrarë dhe shtatë shokët e tij u plagosën.

Mediat italiane shkruajnë se të rinjtë po festonin ditën e fundit të beqarisë të shokut të tyre në Villorba të Trevisos, por ajo përfundoi në një tragjedi.

Një 21-vjeçar ka mbetur i vdekur si pasojë e një sherri të nisur për shkak të zhurmave, ndërsa shtatë të tjerë kanë mbetur të plagosur. Të ndaluar për ngjarjen janë një shtetas shqiptar dhe një rumun, transmetojnë mediat shqiptare.

Sipas mediave vendore, në orët e vona të mbrëmjes një grup prej rreth pesëmbëdhjetë të rinjsh me origjinë moldave po ktheheshin nga festa e beqarisë e njërit prej tyre, Giovanni, 24 vjeç, por zhurmat e shkaktuara prej tyre, të cilët ishin nën efektin e alkoolit, sollën edhe reagimin e shqiptarit dhe shokut të tij rumun, përcjell albinfo.ch.

Pasi debatuan fillimisht, sherri kaloi deri në përdorimin e thikave. Për pasojë humbi jetën 21-vjeçari I. Ojovanu dhe u plagosën 7 shokë të tij, mes tyre edhe dhëndri.

Shqiptari dhe rumuni u arratisën me një makinë në drejtim të paditur, por u arrestuan më pas nga karabinierët, pasi shkuan në spital për t’i mjekuar plagët, shkruan lapsi.al.