Kompanitë zvicerane, “në telashe” për të gjetur punëtorë

Në Zvicër ka mungesë të punëtorëve të kualifikuar. Kjo dëshmohet edhe me statistika

Keystone

Një e treta e kompanive zvicerane kanë vështirësi në plotësimin e vendeve të lira. Në tregon zviceran ka mungesë të fuqisë punëtore të kualifikuar, ka bërë të ditur agjencia e punësimit Manpower, shkruan “Swissinfo.ch”.

Ndër arsyet e dhëna për vështirësitë në gjetjen e kandidatëve të duhur janë: 30% e punëdhënësve të anketuar përmendën mungesën e aftësive teknike, 29% mungesën e kandidatëve, 17% fajësuan mungesën e përvojës profesionale dhe 14% citonin mungesa të aftësive ndërpersonale, përcjell albinfo.ch.

Punëtorët që më së shumti kërkohen janë elektricistët, mekanikët, apo edhe shitësit, drejtuesit e kompanive dhe menaxherët.

Staf në hotelieri, shoferë, personel administrativ dhe inxhinierë, gjithashtu janë shumë të kërkuar nga punëdhënësit.

Punëtorë të tjerë të kërkuar janë pastrues apo specialistë të kontabilitetit dhe financave.