BE mund të propozojë edhe Kosovën si pikë grumbullimi të refugjatëve

Mes pikave ku ata janë pajtuar është fuqizimi i forcave të kontrollit dhe mbrojtjes së kufijve të jashtëm të BE, Frontex, ku deri 2020 do ketë rritje deri në 10 mijë punëtorë. Shumë vende refuzuan mbledhjen.

Nga takimi informal i 16 ministrave të jashtëm të BE në Bruksel është premtuar kontroll më i ashpër i kufijve ndaj refugjatëve, megjithatë nuk është nënshkruar ndonjë marrëveshje. Vendet baltike, të Vishegradit, Portugalia, Qiproja, Irlanda dhe Britania e Madhe nuk merrnin pjesë, duke treguar se çështja e refugjatëve ose emigrantëve ilegalë vijon te jetë mollë sherri mes vendeve perëndimore, shkruan “Der Standard”.

Mes pikave ku ata janë pajtuar është fuqizimi i forcave të kontrollit dhe mbrojtjes së kufijve të jashtëm të BE, Frontex, ku deri 2020 do ketë rritje deri në 10 mijë punëtorë.

Kosova dhe Shqipëria si qendra të grumbullimit

Kancelarja gjermane Angela Merkel, e cila kishte debat të fuqishëm me partnerin e koalicionit Hors Seehofer, ka rënë dakort që azilkërkuesit nuk duhet të kenë të drejtën e zgjedhjes së shtetit ku të shkojnë dhe njëherësh të shtojnë bashkëpunimin me forcat detare libiane. Qëllimi: të shmanget udhëtimi në det i emigrantëve.

Nga takimi ka mbetur akoma e hapur nëse do ndërtohet një pikë grumbillimi i refugjatëve jashtë zonës Shengen të BE, konkretisht në Afrikën Veriore, Shqipëri ose Kosovë, përcjell albinfo.ch. Macron potencoi fuqishëm aspektin humanitar, për të dalluar ata që janë refugjatë dhe emigrantë ekonomik. Të parët do kenë strehim dhe ndarje proporcionale në vendet e BE.

Kryeministri italian Conte ishte më i drejtpërdrejtë se gjithë emigrantët ose azilkërkuesit do dëboheshin pasi vendi ndjehet tepër i mbi ngarkuar.

Detajet tjera të diskutimit do publikohen gjatë kësaj jave.