Nëna e dehur aksidentohet frontalisht me katër fëmijët e saj, tetë të lënduar

Foto Simbol

Në Mettlach (Saarland) të Gjermanisë ka ndodhur një aksident i rëndë, i cili fatmirësisht ka rezultuar pa vdekje, shkruan bild.de.

Gruaja 31 vjeçare, e cila ishte duke udhëtuar me katër fëmijët e saj është përplasur frontalisht me renault-in e saj kundër murit të një shtëpie, përcjell albinfo.ch. Fëmijët janë të moshave 1, 6, 10 dhe 13 vjeç, të cilët mbetën të lënduar.

Sipas policisë gjermane shkak i aksidentit ka qenë shpejtësia e lartë dhe se shoferja ka qenë e dehur. Nga aksidenti kanë mbetur të lënduar lehtë nga asfiksia edhe tre banorët e shtëpisë ku u përplas vetura.