Prokuroria gjermane heton për korrupcion Zyrën Federale për Migracion dhe Refugjatë

“Megjithatë, gjyqësori duhet të bëjë punën e tij para një vlerësimi,” tha zëdhënësi i qeverisë Steffen Seibert të premten në Berlin.

Dyshime për korrupcion në Zyrën Federale për Migracionin dhe Refugjatë (BAMF). Sipas informacioneve të mediave gejrmane “NDR”, Radio Bremen dhe „Süddeutsche Zeitung“ janë rreth 2000 raste të personave që kanë fituar azil në Gjermani, edhe pse nuk kanë pasur arsye.

Rasti është bërë publik nga një punëtor në BAMF në Bremen, i cili ka qenë i detyruar të pranojë kërkesën për azil në mënyrë sistematike, veçanërisht të jezidëve. Nëse avokatët kanë fituar diçka nga kjo ofertë, nuk dihet akoma, por hetimet vijojnë nga Prokuroria e Bremenit. Raste të ngjashme ku janë korruptuar punonjësit e BAMF ka në Oldenburg dhe Hildesheim.

Qeveria gjermane e sheh rastin si “dyshime tepërë serioze”. “Megjithatë, gjyqësori duhet të bëjë punën e tij para një vlerësimi,” tha zëdhënësi i qeverisë Steffen Seibert të premten në Berlin. Vetëm atëherë mund të flitet për pasojat e mundshme politike.

Nga Zyra Federale për Migracion dhe Refugjatë nuk deshin të komentojnë për ngjarjen.