Armatim: 600 milionë franga kontratë me Katarin

Forcat ajrore të Katarit kanë porositur pranë prodhuesit aeronautik të Nidwaldit, të ashtuquajtur PILATUS, një sistem të plotë të trajnimit PC-21 për një vlerë prej 600 milionë frangash. Kontrata përfshin kryesisht shitjen e 24 avionëve ushtarakë të paarmatosur. Kjo porosi është duke u shqyrtuar nga autoritetet zvicerane.

Ajo gjithashtu përfshin simulatorë, si dhe një mbështetje dhe përmbajtje logjistike, ka bërë të ditur Pilatus në një deklaratë. Ushtria e Katarit ka vendosur të zgjedhë sistemin PC-21 i paraqitur nga një prodhues zviceran, pas një “vlerësimi jashtëzakonisht serioz dhe të hollësishëm”, thuhet në tekst.

Falë kësaj kontrate dhe disa mandateve të tjera të mëdha që ka Pilatus këtë vit, prodhuesi në fjalë parashikon të hapë rreth 400 vende të reja pune në Zvicër, shton ai.