Kolonë e gjatë 9 km para tunelit Gotthard, një aksident e vështirëson gjendjen

Gjendjen kaotike të zakonshme për këtë kohë, e ka rënduar kësaj here edhe një aksident që ka ndodhur pak pas kalimit të tunelit, në pjesën veriore, në mes të pikave Göschenen dhe Amsteg

Keystone Foto nga arkiva

Siç ndodh zakonisht me fillimin e festave dhe pushimeve, tuneli Gotthard, që është pika kryesore e kalimit në aksin Veri-jug, jo vetëm për Zvicrën, mbingarkohet nga trafiku i madh.

Kështu ka ndodhur edhe sot, ditën e parë të festës së Pashkëve. Gjendjen kaotike të zakonshme për këtë kohë, e ka rënduar kësaj here edhe një aksident që ka ndodhur pak pas kalimit të tunelit, në pjesën veriore, në mes të pikave Göschenen dhe Amsteg, njofton Viasuisse, transmeton albinfo.ch. Kështu, qarkullimi i automjeteve është devijuar nga autostrada në rrugën kantonale, njoftojnë mediet zvicerane.

Aktualisht njoftohet për një kolonë të gjatë 9 kilometra ndërsa për më vonë pritet që ajo të zgjatet deri në 14 kilometra.

Edhe nga ana jugore, në afërsi me kufirin me Italinë, ngarësit e automjeteve duhet të përballen me një kolonë. Fjala është për pjesën në mes të Chiasso-s dhe vendkalimit kufitar Chiasso-Brogeda, ku është krijuar një kolonë e gjatë rreth 2 kilometra.