Politikani i SVP-së nxit urrejtje raciste në Facebook

Pas skandalit me “Natën e Kristaleve” nga një anëtar i një kryesie lokale të SVP-UDC-së, ka vazhduar me të njëjtat sllogane në Facebook, mbase edhe më raciste, një anëtar tjetër i po të njëjtës parti nga Solothurni.

Bëhet fjalë për Beat Mosimann nga Solothurni, i cili pretendon të jetë edhe kandidat për deputet kantonal në zgjedhjet e 2013-ës.

Siç raporton gazeta zvicerane e së dielës “Der Sonntag”, Mosimann ka shkruar në forumet e rrjetit scoial Facebook sllogane raciste kundër azilkërkuesve, muslimanëve dhe zezakëve.

Me këtë rast ai zhytet në fantazitë më të këqija. Për të parandaluar “cunamin e azilantëve” ai kërkon pushkatimin me ligj ushtarak të azilkërkuesve.

Por, ai nuk e adreson këte vetëm kundër muslimanëve, por gjithashtu u referohet edhe zezakëve, të cilët Mosiman i shan si “njerëz me pigment të tepërt që janë të padobishëm për ekonominë”.

Mosimann nuk e ka kursyer publikun gjithashtu duke propozuar kampe të përqëndrimit. Sipas tij, azilkërkuesit duhet të vendosen të ndarë në bazë të gjinisë. Përveç kësaj, ai thotë se ata duhet të marrin vetëm një racion të ushqimit.

Derisa krerët e CVP-së ende nuk janë në dijeni për idetë çnjerëzore të anëtarit të tyre, kryetari kantonal ,Valter Wobmann, përgjigjet i prerë se Mosimann duhet të përjashtohet nga partia.

Po ashtu një anëtar i një kryesie lokale të SVP-UDC-së është akuzuar se gjatë vikendit të kaluar ka shkruar në rrjetin scoial Twitter një fjali me përmbajtje neonaziste. Në atë fjali ai thërriste për një “Natë tjetër kristalesh. Kësaj radhe kundër xhamive”.

Prokuroria shtetërore e Cyrihut ka vendosur nisjen e një procedure penale kundër kuadrit të SVP-së, Alexander Müller, për shkelje të mundshme të nenit kundër racizmit.

Por, jo vetëm kaq. Pasi rasti ishte shndërruar në një skandal publik, edhe partia e Müllerit, SVP-UDC, ka përjashtuar aktivsitin e deritashëm nga radhët e saj.