Viçit “Lili” i hiqen dy këmbët e tepërta

Ai është operuar të premten nën narkozë të plotë. Gjymtyrët e tepërta i janë prerë dhe lëkura në vendet ku ishin ato, i është mbyllur

Katër muaj më parë në Zvicër kishte lindur një viç me gjashtë këmbë. Senzacioni që kishte shkaktuar ky fenomen ishte i kuptueshëm.

… dhe pas operacionit

Por, viçi me emrin Lili tash sërish mund të rritet pa “komplekse”, pasi që veterinarët ia kanë hequr atij dy këmbët e tepërta, të cilat i kishte të varura mbi shpinë. Është ky një sukses i Klinikës së Fakultetit të veterinarisë në Bernë Vetsuisse. Sipas veterinarëve, operacioni kishte qenë i domosdoshëm edhe për arsyen se pesha e këmbëve të tepërta rrezikonte t`ia deformonte boshtin kurrizor Lilit.

Viçi është operuar të premten nën narkozë të plotë. Gjymtyrët e tepërta i janë prerë dhe lëkura në vendet ku ishin ato, i është mbyllur.

Operacioni ka zgjatur katër orë dhe ka kaluar me sukses. “Lili është zgjuar vetëm gjysmë orë pas operacionit dhe gjendja e saj e përgjithsme është stabile”, citohet kryemjeku Patrik Zanollari në komunikatën nga Universiteti i Bernës.

Pas disa ditë pushimi, viçi do të kthehet në stallën ku ka lindur.