Mërgim Brahimi, në shënjestër të Hertha-s së Berlinit

Në Hertha BSC lojtari i Grasshopper-it të Cyrihut do të ishte një zëvendësim i mirë për brazilianin Raffael

Hertha BSC e Berlinit ia ka vënë syrin lojtarit të ri shqiptar të Grasschoper-it të Cyrihut, Mërgim Brahimi. Krerët e dy ekipeve, sipas medieve gjermane, kanë vendosur kontaktet lidhur me kalimin e 19 vjeçarit nga Zvicra në Gjermani.

Ndonëse i lindur në Cyrih, Brahimi është përcaktuar të luajë për kombëtaren e Shqipërisë dhe deri më tash ka marrë pjesë në një grumbullim të kësaj kombëtareje.

Në Hertha BSC ai do të ishte një zëvendësim i mirë në mesin e fushës për brazilianin Raffael i cili sipas të gjitha gjasave do ta braktisë klubin e Berlinit.

Hertha para një muaji ka rënë sërish në Ligën e Dytë, pas vetëm një sezoni sa kishte mundur të qüendronte në Bundesligën e Parë gjermane.

Brahimi gjatë sezonit që përfundoi, është angazhuar në 14 ndeshje me Grasshoper-in. Përkundër talentit të madh, teknikës së mrekullueshme dhe driblingjeve të bukura, lojtari shqiptar ka një dobësi të vogël: mungesë egikasiteti (golash).

Ai, siç shkruajnë mediet gjermane, gjatë këtyre 14 ndeshjeve nuk ka shënuar asnjë gol dhe nuk ka bërë as ndonjë asistim. Kjo është arsyeja që një numër ekspertësh në Zvicër e konsiderojnë jo të qëlluar momentin e kalimit të Brahimit në bundesligën e dytë gjermane.