Cyrihu ka hedhur poshtë dy nisma popullore

Cyrihu ka votuar kundër zgjatjes së orarit të punës së shitoreve dhe subvencionimit të shkollave private nga shteti

Iniciativat: “Konsumatori është mbret!”, dhe “Përzgjedhja e lirë e shkollës për të gjithë”, janë refuzuar të dielën nga qytetarët e Cyrihut.

Rezultati i sotëm nga votimi i qytetarëve të Cyrihut  nuk ndryshon asgjë në  këtë kanton.

Shitoret në stacionet hekurudhore dhe në aeroport mund t’i gjeni hapur të dielave dhe gjatë festave. Të gjitha shitoret tjera duhet të jenë të mbyllura në mbrëmje, të dielave dhe gjatë festave..

Asgjë nuk do të ndryshojë as në sistemin arsimor të Cyrihut. Shteti nuk do të subvencionojë shkollat private. Kush dëshiron t’i dërgojë fëmijët në një shkollë private, duhet edhe të mendojë edhe për shpenzimet.