Beqaj thotë se autostrada Prishtinë-Shkup kryhet deri në fund të vitit

Pas takimit që ka pasur me ministrin e Ekonomisë së Maqedonisë, Kreshnik Bekteshi, ka thënë se Kosova e kryen në fund të vitit autostradën për Shkup

Ministri i Inovacionit dhe Ndërmarrësisë, Besim Beqaj, ka qëndruar për vizitë zyrtare në Shkup, ku ka pasur një varg takimesh të rëndësishme.

Ai pas takimit që ka pasur me ministrin e Ekonomisë së Maqedonisë, Kreshnik Bekteshi, ka thënë se Kosova e kryen në fund të vitit autostradën për Shkup. 

Ministri Beqaj tha se shpreson që edhe Maqedonia do të lëvizë shpejt në drejtim të ndërtimit të autostradës që lidh të dyja vendet, pasi pala kosovare po lëviz shpejt në drejtim të përfundimit të autostradës deri në kufi. Ndërsa, ministri Bekteshi ka theksuar nevojën e thellimit të bashkëpunimit ekonomik në mes të dyja vendeve.

Bekteshi ka thënë se edhe autostrada Shkup-Bllacë, sipas gjithë projeksioneve, do të fillojë të ndërtohet gjatë 6-mujorit të vitit të ardhshëm.