Shkurt.ch
“Novartis” akuzohet se ka korruptuar mijëra mjekë grekë për t`ua shitur barnat
Këto metoda, sipas hetuesve grekë, i kanë kushtuar Greqisë në periudhën në mes viteve 2000-2015 rreth 23 miliardë euro

Ndaj koncernit të madh farmaceutik të Zvicrës, “Novartis” janë ngritur akuza për korrupsion. Sipas akuzuesve, “Novartis” u ka paguar mito mijëra mjekëve dhe nëpunësve administrativë në Greqi, për t`ua imponuar atyre blerjen e barnave të veta.
Gjiganti zviceran akuzohet që këto veprime korruptimi i ka bërë në mënyrë sistematike dhe për një kohë të gjatë, transmeton albinfo.ch shkrimet e medieve zvicerane. Greqia dhe SHBA tash kërkojnë ndihmë juridike nga Zvicra në lidhje me këtë skandal.
Zyra Federale për Drejtësi ka konfirmuar se i kanë ardhur tashmë dy kërkesa përkatëse. Ato janë duke u shqyrtuar, ka thënë për Agjencinë e Lajmeve SDA, zëdhënësi i zyrës në fjalë, Folco Galli, pa ofruar detaje të tjera rreth çështjes.
Galli kështu ka vërtetuar raportimet e bëra në këtë drejtim nga gazetat “Tages Anzeiger” dhe “Bund” si dhe nga Televizioni i Zvicrës Perëndimore (frankofone) RTS. Nga ana tjetër “Novartis” ka deklaruar vetëm se është duke kooperuar me autoritetet.
Ministri grek i drejtësisë Stavros Kontonis akuzon Novartisin se edhe pas kolapsit që kishte pësuar ekonomia greke në vitin 2010 kishte shitur medikamente të “stërshtrenjtuara”, transmeton albinfo.ch. Këto metoda, sipas hetuesve grekë, i kanë kushtuar Greqisë në periudhën në mes viteve 2000-2015 rreth 23 miliardë euro.
Ndër zyrtarët e akuzuar grekë janë dhjetë ish zyrtarë të lartë të qeverisë së kaluar, e në mesin e tyre edhe komisari aktual i lartë i BE-së, Dimitris Avramopoulos. Ky i fundit ka hedhur poshtë çdo lidhje me aferën e përmendur të korrupsionit.
Të tjera nga Shkurt.ch
E-Diaspora
-
Një festë e diversitetit dhe e bashkëpunimit ndërkomunitar Këtë vit me risi në organizim, kjo veprimtari u bë edhe një festë e kulturave të...
-
Kush po i organizon shqiptarët e Zvicrës?, vjen numri më ri i magazinës albinfo.ch
-
Zhvillo karrierën tënde aty ku vlerësohet: smzh ag të ofron më shumë se një vend pune
-
Akuzohet kosovari, i dyshuar si shef i “degës zvicerane” të organizatës terroriste
-
Aksident tragjik në Gjermani, humb jetën një mërgimtar nga Peja
Jeta në Austri
-
Austri: 27% e të rinjve me prejardhje migrante braktisin herët shkollimin Në Austri, më shumë se 100,000 të rinj kanë përfunduar shkollimin e detyrueshëm në maksimum dhe...
-
Gjermania do të ndjekë shembullin e Austrisë dhe do të deportojë sirianët e dënuar
-
Banka Qendrore e Austrisë instalon bankomate për të kapërcyer hendekun rural të parave të gatshme
-
Tragjedi në Festival: Vdes një 22-vjeçar pas një incidenti sigurie
-
Universitetet austriake duan rregulla më të rrepta për pranimin e studentëve të huaj