Parlamenti për masa kundër dumpingut

Ashtu sikurse Dhoma Nacionale dhe qeveria e vendit, edhe Dhoma e kantoneve e Parlamentit të Zvicrës planifikon ashpërsimin e masave mbrojtëse për lëvizjen e lirë të njerëzve.

Deputetët e kësaj dhome ishin unikë në konstatimin se masat e vendosura nga koha e hyrjes në fuqi të marrëveshjes për lëvizje të lirë nuk kanë mjaftuar për të parandaluar dumpingun e pagave.

Për këtë arsye, Dhoma e Kantoneve mendon që të kundërshtohet më ashpër dukuria e punëtorëve që prezantohen si të mëvetësishëm që shërben si mbulesë për dumping. Për të parandaluar këtë, do të kërkohen më shumë dokumente nga personat që hyjnë në tregun zviceran të punës dhe do të vihen edhe sanksione për ata që nuk i plotësojnë kushtet.