Tre të vdekur nga rrëzimi i helikopterit

Helikopteri është aksidentuar në një luginë të regjionit Kandertal, në kantonine Bernës

Në Berner Oberland të kantonit të Bernës është rrëzuar një helikopter, me ç`rast kanë humbur jetën tre persona.

Helikopteri është aksidentuar në një luginë të regjionit Kandertal.

Ekipet e shpëtimit kanë shkuar në vendin e ngjarjes me një numër të madh pjesëtarësh, bën të ditur prokuroria shtetërore dhe Policia kantonale e Bernës.

Ndërhyrja është vështirësuar për shkak të terrenit të rrëpinjtë dhe të pyllëzuar. Kështu, për shkaqe sigurie, aksioni për shpëtim duhet të ndërpritet gjatë natës, ka njoftuar policia.

Ende nuk dihet se prej nga ka ardhur ky helikopter siç nuk dihen as shkaktarët e rrëzimit të tij.