Dick Marty nuk ka ardhur në Prishtinë

Dick Marty bëhet e ditur se sot nuk ka ardhur në Kosovë që të dëshmojë në rastin ''Medicus"

Njoftimet e mediave në Kosovë raportonin se senatori zviceran, Dick Marty ka ardhur sot në Kosovë.

Në seancën e sotme gjyqësore për këtë rast, në Gjykatën e Qarkut në Prishtinë, u bë e ditur se i është bërë kërkesë Këshillit të Evropës që t’i heq Dick Martyt imunitetin në mënyrë që të vijë të dëshmojë në këtë rast.

Kryetari i Trupit gjykues, Sedek, tha se pritet që Marty të dëshmojë në seancën e 17 qershorit, njofton Koha.

11:00 – Dick Marty në Kosovë?

Senatori zviceran Dick Maty, ka arritur në Kosovë, kanë thënë burime vendore për të përditshmen Zëri.

Marty ka ardhur në cilësinë e dëshmitarit për rastin “Medikus”, ku dyshohet se janë kryer transplantime pas luftës në Kosovë.

Ftesa për Marty-n që të vijë si dëshmitar ishte bërë për datën 18 qershor, sidoqoftë, ardhja e tij e mundshme, saktësisht një muaj më herët, mund të jetë bërë për shkaqe sigurie, shkruan kjo gazetë.

Ardhja e mundshme e senatorit zviceran në Prishtinë përkon me kohën kur parlamenti shqiptar ka miratuar një ligj që i krijon hapësirë ligjore EULEX-it për të kryer hetime edhe në territorin shqiptar, ku Marty pretendon se janë kryer transplantimet ilegale të organeve.

Sot ndonëse nuk ishte pjesë e agjendës që të dëshmonte Marty, është planifikuar që të mbahet seancë për rastin Medicus.

Zëdhënesja për drejtësi në EULEX, Bardha Azari, përmes telefonit ka thënë se ky mision nuk ka kurrfarë informate për arritjen e Martyt./zeri&albinfo/