Dështon dëbimi i refugjatit iranian

Një grup prej rreth 15 vetash kishin protestuar në sallën e çekimit në aeroport, duke kërkuar lirimin e tij

Ka dështuar dje në Aeroportin e Cyrihut riatdhesimi i një refugjati iranian. Ky veprim është dashur të ndërpritet pasi që iraniani kundërshtonte të hipte në aeroplan.

Para kësaj, një grup prej rreth 15 vetash kishin protestuar në sallën e çekimit në aeroport, duke kërkuar lirimin e tij.

Iraniani ishte mbajtur në burgun për dëbim në Aargau dhe duhej të fluturonte fillimisht për në Budapest, pasi që atje kishte bërë kërkesën e parë për azil.

Policia kishte planifikuar për riatdhesimin e tij një shkallë të ulët të masave të sigurisë, gjegjësisht i kishte caktuar vetëm një shoqërues dhe nuk kishte paraparë masa shtrëngimi.