Unia shpërblen ata që kanë shkarravitur pllakatet e SVP-UDC-së

Përkundër kërcënimit me ndjekje penale, tre qytetarët kishin vepruar nga bindja e tyre kundër racizmit, sqaron Unia

Sindikata Unia ka shpërblyer me çmimin për kurajë qytetare tre persona, të cilët gjatë fushatës zgjedhore të vitit 2011 kishin shkarravitur ose mbuluar pllakatet e SVP-UDC-së. Bëhet fjalë për pllakatet me tekstin “Kundër migracionit masiv”.

Përkundër kërcënimit me ndjekje penale tre qytetarët kishin vepruar nga bindja e tyre kundër racizmit, sqaron Unia.

Dy mësues nga Shafhauzeni dhe një tjetër nga Cyrihu po vlerësohen me një çmim për “veprim të guximshëm”. Unia ka vlerësuar qëllimisht njerëzit të cilët, sipas ligjeve në fuqi kanë kryer vepër penale.

“Ne mendojmë se ka situata që shkojnë tepër larg”, ka thënë Rita Schiavi nga Unia. Sipas saj pllakatet e mbuluara ose të shkarravitura kishin pasur përmbajtje raciste dhe si të tilla nuk do të duhej të ishin vendosur kurrë.

SVP-UDC ka reaguar kundër këtij veprimi, duke e quajtur Unia-n “armike të demokracisë”.