Kleofina Pnishi pret sonte të rrëmbejë kurorën e “Miss Franca 2018”

"Ky konkurs është edhe një mënyrë tjetër që unë si shqiptare të falënderoj Francën për gjithçka që më ka sjell..."

Aktoren dhe modelen shqiptare e cila jeton në Francë, Kleofina Pnishi, sonte e pret një garë e fortë. Ajo do të marrë pjesë në “Miss Franca 2018”. Kleofina, muaj më parë është shpallur “Miss Provenca 2018”, ndërkohë në këtë garë ajo përfaqëson këtë regjion i cili ka afër pesë milionë banorë, shkruan albinfo.ch

Kleofina Pnishi për mediat franceze ka treguar arsyen e pjesëmarrjes në këtë garë: “Kisha nevojë për këtë aventurë për t’u njohur më mirë me veten time. E përcjell çdo vit këtë spektakël. Për tri vite kam hezituar të marr pjesë. Këtë vit ndoqa intuitën time. Ishte edhe përkrahja e familjarëve dhe miqve të mi të cillët më inkurajuan të marr pjesë. Ky konkurs është edhe një mënyrë tjetër që unë si shqiptare të falënderoj Francën për gjithçka që më ka sjell. Në moshën  5 vjeçare kam ardhur në Francë, pasi bashkë me prindërit me motrën dhe vëllain u arratisëm nga vendi ynë për shkak të luftës në Kosovë”, ka thënë ajo për parismatch.com, transmeton “albinfo.ch”.

Tutje, gjatë intervistës vajza me prejardhje nga Gjakova, ka treguar se çfarë do të bëjë, nëse  shpallet “Miss Franca 2018”

“Do të doja të ndihmoja fëmijët më aftësi të kufizuar. Dua që ata të bëjnë një jetë normale. Motra ime ishte me aftësi të kufizuar, nuk mundte të ecte dhe as të fliste. Për fat të keq ajo vdiq vitin e kaluar”, është shprehur Kleofina.

23 vjeçarja ka marrë pjesë në disa filma francez dhe ka qenë imazh i disa firmave të njohura të modës në Francë.