Shkurt.ch
Zvicra nuk do të heqë sekretin bankar në raportet brenda vendit
Me vendimin e dy dhomave për të mos e zbutur sekretin bankar në raportet brenda vendit, tashmë i është hapur rruga tërheqjes së iniciativës për Sekretin Bankar

Sekreti bankar, kur ai praktikohet brenda Zvicrës, nuk do të dalë nga përdorimi. Pas Dhomës Nacionale, edhe Dhoma e Kantoneve (Senati) e Parlamentit është shprehur sot se përfundimisht nuk do të ketë ashpërsim të të drejtës tatimore, shkruan sda.
Siç dihet, Zvicra prej kohësh ndodhet nën presion ndërkombëtar e në veçanti nga BE-ja për heqjen dorë nga sekreti bankar.
Fillimisht, Këshilli Federal, në kohën kur resorin e financave e udhëhiqte Eveline Widmer-Schlumpf synonte të zbuste sekretin bankar edhe brenda vendit, transmeton albinfo.ch. Dallimi në mes të shmangies së tatimeve dhe mashtrimit tatimor nuk është i kohës, thuhej atëbotë.
Por trashëgimtari i Schlumpf-it në këtë post, ministri aktual i financave, Ueli Maurer mbështet tërheqjen e një synimi të tillë. Ai thotë se ashpërsimi i të drejtës tatimore nuk është më në gjendje të sigurojë shumicën në parlament.
Me vendimin e dy dhomave për të mos e zbutur sekretin bankar në raportet brenda vendit, tashmë i është hapur rruga tërheqjes së iniciativës për Sekretin Bankar. Ajo synonte mbrojtjen e këtij rregullatori për të cilin njihet Zvicra.
Komiteti i kësaj iniciative do të vendosë javët në vijim rreth tërheqjes në fjalë, ka thënë deputeti nacional i SVP-së, Thomas Matter. Kjo sepse, sipas tij, qëllimi që donte të realizonte iniciativa, është arritur.
Këshilli Federal kishte hedhur poshtë iniciativën në fjalë. Sipas tij, pranimi i saj do të vështirësonte ndjekjen e evazionit fiskal.
E-Diaspora
-
Ka ushtruar dhunë mbi gruan: Kosovari lejohet të qëndrojë në Gjermani, për shkak të martesës! Si argument për qëndrimin e tij të përkohshëm në Gjermani, gjykata përmend faktin se gruaja e...
-
Mërgimtarit nga Suedia i vidhen mijera euro, stoli ari dhe dokumente në Kosovë
-
Enesi shënon sukses në Implantologji dhe Rigjenerim Kockor në Universitetin e Romës
-
Halili+Partner Ingenieure nga Zvicra vlerësohet në Oman me vendin e dytë
-
Kjo është gjendja në pikëkalimet kufitare me Kosovën
Jeta në Austri
-
Austri: Nga viti 2026, mbrojtje më e fortë për punonjësit ndaj të nxehtit ekstrem Punonjësit që punojnë në ambiente të hapura do të përfitojnë nga mbrojtje më e mirë ndaj...
-
Borxhi i Austrisë arrin në 412.6 miliardë €
-
Austri: 27% e të rinjve me prejardhje migrante braktisin herët shkollimin
-
Gjermania do të ndjekë shembullin e Austrisë dhe do të deportojë sirianët e dënuar
-
Banka Qendrore e Austrisë instalon bankomate për të kapërcyer hendekun rural të parave të gatshme