Qeveria kërkon ndalimin e shitjes së duhanit personave nën moshën 18 vjeçare

Ndër ndryshimet kryesore që përmban projekti, është ndalimi i shitjes në gjithë Zvicrën të cigareve dhe duhanit për personat e mitur

Propozimi i Këshillit Federal për Ligjin mbi Produketet e duhanit, kishte dështuar në raundin e parë. Të dyja dhomat e Parlamentit kishin qenë kundër ndalimit të reklamimit të duhanit dhe e kishin ktyer mbrapsht propozimin në fjalë. Tash, Këshilli Federal ka prezantuar një projektligj të ri, njofton SDA. Këtë e ka bërë sot dhe, pasi që ka hequr pjesë të kontestueshme, e ka dërguar për fazën e konsultimit në Parlament.

Ndër ndryshimet kryesore që përmban projekti, është ndalimi i shitjes në gjithë Zvicrën të cigareve dhe duhanit për personat e mitur.

Në projektligj rregullohet edhe shitja e cigareve elektronike (E-cigare), transmeton albinfo.ch. Këshilli Federal synon që edhe në këtë pikë të bëhet një rirregullim, respektivisht që cigaret në fjalë të mund t`u shiten vetëm personave të moshës madhore, mbi 18 vjeçare.

Po ashtu, me të renë, nuk do të lejohet marketingu i prodhimeve të duhanit në internet dhe në gazeta gratis.