Don ta shpëtojë tjetrin nga infarkti, pëson infarkt edhe vetë!

Foto ilustrim

Përpiqet ta “ngjallë” pacientin që kishte pësuar infarkt dhe pëson infarkt edhe vetë! Kjo i ka ndodhur një punëtori të sanitetit në Aix-en-Provence të Francës. Vetëm zjarrfikësit e kanë parë këtë skenë dhe kanë mundur të ndërhyjnë me kohë për të shpëtuar të dy fatkëqijtë.

Kur kishin ardhur për të ndihmuar personin që kishte pësuar infarkt, zjarrfikësit papritur kishin parë se për ndihmën e tyre kishte nevojë edhe vetë ai që duhej të ishte shpëtimtari i të parit, një shoferi 72 vjeçar.

Dy ekipe mjekësore të urgjencës, ia dolën të shpëtojnë të dy personat që kishin pësuar sulm në zemër dhe t`i dërgojnë ata në spital ku i janë nënshtruar kurimit të mëtejshëm.