Anglishtja gjuhë e parë e huaj në vend të frengjishtes

Deputetët me shumicë votash kanë vendosur që nxënësit të mund të zgjedhin që ta mësojnë anglishten në vend të frëngjishtes ose italishtes

Nxënësit që ndjekin mësimin në shkollat e Zvicrës, në të ardhmen mund të zgjedhin anglishten si gjuhë të parë të huaj. Pra, ata nuk do ta kenë detyrimisht njërën nga gjuhët e vendit si gjuhë të parë pas gjuhës amtare.

Dhoma federale e Parlamentit Nacional ka hedhur poshtë një propozim të bërë nga Partia e Gjelbër që do ta bënte të detyrueshme zgjedhjen e gjuhës frënge si gjuhë e parë e huaj për nxënësit gjermanofonë dhe anasjelltas.

Deputetët me shumicë votash kanë vendosur që nxënësit të mund të zgjedhin që ta mësojnë anglishten në vend të frëngjishtes ose italishtes.

Dhoma Federale po ashtu ka hedhur poshtë një propozim që kërkonte përdorim më të madh të gjuhës standarde gjermane (hochdeutsch) në vend të dialektit, në radion dhe televizionin zviceran.