Zvicra, e vendosur kundër martesave me detyrim

Dhoma Nacionale e Parlamentit të Zvicrës ka miratuar me shumicë dërmuese ndryshimet e ligjit, të propozuara nga Qeveria federale, që kanë për qëllim ndalimin e martesave me detyrim. Kundër janë shprehur vetëm përfaqësuesit e SVP-UDC-së. Sipas tyre propozimet nga qeveria janë tepër të buta.

Me ndryshimet e ligjit, në veçanti do të jenë zyrat e gjendjes civile ato që do tëharrin detyrime të reja. Ato, me të renë, do të detyrohen të ushtrojnë padi penale në rastet kur kanë dyshime se një lidhje kurore mund të mos jetë në bazë të vullnetit dypalësh, shkruan drs.ch.

Pala e cila i ka bërë presion për martesë njërit nga bashkëshortët, mund të dënohet me burg deri në pesë vjet. Po kështu, edhe martesat e realizuara jashtë Zvicrës ku njëra palë është në moshë të mitur, nuk do të pranohen më nga Zvicra.

Projektligji tash do të shkojë për miratim edhe në Dhomën e kantoneve (senat).