Shkurt.ch
Kush kapet me më pak se 10 gramë kanabis në Cyrih, nuk dënohet
Deri tash, ata që policia i ka zënë me kaq gramë droge të ketij lloji në duar, i ka dënuar me gjobë prej 100 frangash
Personat që kapen në Cyrih me më pak se dhjetë gramë kanabis, tash e tutje nuk do të dënohen. Deri tash, ata që policia i ka zënë me kaq gramë droge të ketij lloji në duar, i ka dënuar me gjobë prej 100 frangash. Në rastet kur i dënuari nuk e ka paguar gjobën brenda 30 ditëve, çështja i ka kaluar gjykatës së qytetit.
Gjykatat në fjalë, që veprojnë në Cyrih dhe në Winterthur kanë vendosur që në të ardhmen t`i ndërpresin procedurat për lëndë të tilla, nëse i kanë nisur, respektivisht nuk do të pranojnë lëndë të reja të këtij lloji, ka thënë për “Tagesanzeiger” një gjyqtare e Gjykatës së Cyrihut.
Si shkak për një vendim të tillë është marrë vendimi i para pak ditëve i Gjykatës Federale, transmeton albinfo.ch. Kjo e fundit e kishte shpallur të padrejtë dënimin e një personi në Bazel, të cilit i ishin gjetur 0.5 gram marihuanë dhe 0.1 gram hashash. Sipas gjykatës, duke qenë se personi në fjalë nuk ishte kapur duke konsumuar drogë, në një rast të tillë duhet të pasojë një veprim pa dënim penal.
Por, Policia e Qytetit në Cyrih është zënë në befasi nga vendimi i Gjykatës Federale , thotë një zëdhënës. Për këtë arsye dje kanë mbajtur mbledhje të përbashkët të gjitha zyrat e prekura nga një vendim i tillë, përcjell albinfo.ch. Sipas tij, vendimi i fundit i gjykatës ka sjellë shumë pyetje që duan përgjigje. “Ne duam që të gjithë policët dhe njerëzit në rrugë të dijnë në mënyrë të saktë se si duhet të sillen.”
Të tjera nga Shkurt.ch
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë