Dënimi i parë në Zvicër për huliganizëm: 18 muaj burg efektiv

I riu nga Zvicra lindore, në shkurtin e kaluar, në ndeshjen e futbollit në mes të Lucernit dhe St. Gallenit kishte ndezur dhe hedhur në fushë disa petarda

Për herë të parë në Zvicër ka ndodhur që të dënohet me burg një huligan futbolli. Gjykata Federale Penale me seli në Bellinzona ka dënuar me tre vjet burg, pjesërisht me kusht, një person i cili vitin e kaluar ka ndezur petarda në një ndeshje futbolli. Konkretisht, i riu 24 vjeçar duhet të qëndrojë në burg për 18 muaj, pasi që trupi gjykues e ka shpallur fajtor atë në të gjitha pikat e akuzës, shkruan srf.ch.

I riu nga Zvicra lindore, në shkurtin e kaluar, në ndeshjen e futbollit në mes të Lucernit dhe St. Gallenit kishte ndezur dhe hedhur në fushë disa petarda. Nga ky veprim i tij një shikues ka pësuar dëmtim të përhershëm të dëgjimit ndërsa janë shkaktuar edhe dëme materiale.

Ky rast ka qenë i pari që Gjykata Federale Penale është marrë me një rast huliganizmi.