CVP-PDC (nuk) bashkohet me BDP-PDB

Krerët e partive respektive thonë se duhet kohë për të vendosur se në çfarë drejtimi do të shkojë bashkëpunimi në mes tyre

Partia e Krishterë Popullore (CVP-PDC) e Zvicrës nuk ka ndërmend të bashkohet që në një të ardhme të afërt të bashkohet me Partinë Borgjeze Demokratike (BDP-PDB).

Krerët e partive respektive thonë se duhet kohë për të vendosur se në çfarë drejtimi do të shkojë bashkëpunimi në mes tyre. Se a do të jetë kjo në trajtë të një partie të vetme të qendrës, të një fraksioni të përbashkët në parlament ose thjesht një bashkëpunim në mes partish, mbetet e hapur.

Këtë përfundim e kanë nxjerrë krerët e dy partive në një deklaratë të përbashkët.

“CVP ka një histori njëqindvjeçare dhe unë nuk mundem që të shkruaj një histori të re brenda disa javëve”, ka thënë kryetari i Grupit Parlamentar të CVP-PDC-së, Urs Schwaller. Prandaj, një fuzion në mes të këtyre dy partive nuk është temë debat. Ndërsa kryetari i partisë, Chrisophe Darbellay lidhur me fjalët për fuzionimin ka thënë se “fjala fuzion është e konotuar shumë negativisht”. Veç tjerash, fuqia e dy partive në kantone të ndryshme dallon shumë.