Pesë vendet kulturore në Tiranë

Qytetin mund të kaloni në këmbë. Ai është i mbushur me galeri arti, muze, kafene e restorante

francesca masotti

Nëse dëshironi të bëni një udhëtim më ndryshe, atëherë Gadishulli Ballkanik është një vend i duhur. Kryeqyteti i Shqipërisë, Tirana është një vend i mirë për të nisur udhëtimin në këtë cep të Evropës Juglindore. Qytetin mund të kaloni në këmbë, derisa është i mbushur me galeri arti, muze, kafene e restorante.

Blogerja italiane Francesca Masotti shkruan për “Pastemagazine.com”, për pesë vendet kulturore që mund t’i gjeni në Tiranë, përcjell albinfo.ch.

1. Sheshi Skënderbeu- është pika kryesore e orientimit në Tiranë. Ajo ka edhe statujën dedikuar heroit kombëtar, Gjergj Kastrioti, i cili luftoi kundër Perandorisë Osmane. Anash statujës është xhamia e ‘Et’hem Bej’. Po ashtu është edhe Bashkia e Qytetit dhe Sahat Kulla.

2. Muzeu Historik Kombëtar- Muzeu Kombëtar është një mozaik i mrekullueshëm me fasadë, duke treguar shqiptarët fitimtarë që nga periudha ilire, e deri te Lufta e Dytë Botërore. Muzeu gjithashtu mban shumë nga thesaret arkeologjike të vendit, një kopje e shpatës së Skënderbeut, dhe një ekspozitë interesante me ikonat e Onufrit, artistit më të madh shqiptar të shekullit të 16-të.

3. Bunk’Art- Muzeu i Artit Bashkëkohor ndodhet në një bunker nëntokësor të ndërtuar në periferi të Tiranës. Ky vend më herët është bërë për të mbrojtur ish-diktatorin Ever Hoxhën. Sot, Bunk’Art, organizon ekspozita që kombinojnë historitë moderne të Shqipërisë me copa të artit bashkëkohor.

4. Galeria e Arteve Kombëtare-Kjo galeri gjurmon historitë e pikturës shqiptare nga fillimi i shekullit 19, deri në ditët e sotme. Kjo hapësirë organizon ekspozita të përkohshme.

5. Blloku- Kjo është lagja më e famshme në Tiranë. Gjatë kohës komuniko, kjo pjesë ishte e rezervuar për elitën politike, derisa sot është një lagje e gjallë me kafene, restorante, bare dhe klube të natës.

Pastemagazine.com