Sukses mesatar i shqiptarëve në superligën e Zvicrës

I vetmi golashënues në mesin e shqiptarëve të superligës ishte Shaqiri për FC Basel në ndeshjen kundër Lausanne Sport.

  

Në ndeshjet e xhiros së 9 të super ligës zvicerane në futboll të cilat u luajtën në mes javë, u arritën rezultate të pritura.

 

Në fitoren e Bazelit si vendës ndaj Lausanne sport 6 : 0 kontribut të madh dha edhe futbollisti tashmë i njohur shqiptar, Xherdan Shaqiri.

 

Shaqiri luajti gjatë tërë ndeshjes dhe ishte edhe shënues i golit të 5-të për vendës në minutën e 52-të. Për vendës nga minuta e 75 u aktivizua edhe Granit Xhaka.

Burim Kukeli duke luajtur 90 minuta dhe Jahmir Hyka nga minuta e 79, ndihmuan skuadrën e tyre Luzern që të shënojë fitore si mysafir 2 me 0 në Gjenevë në ndeshje kundër Servete-s së Gjenevës.

Zurichu dhe Thuni i ndanë pikët në ndeshjen e cila përfundoi pa gola. Për Zurichun tërë ndeshjen luajti Adrian Nikçi kurse Admir Mehmedi u zëvendësua në minutën e 76. Në anën tjetër për Thunin tërë ndeshjen luajti Muhamed Demiri kurse Milaim Rama ishte rezervë por nuk u aktivizua fare.

Në ndeshjen Sion-Grasshopper 2 : 0, për skuadrën udhëtuese, Orhan Mustafi luajti gjatë tërë ndeshjen e Amir Abrashi ishte i lënduar.

Në ndeshjen ku nuk pati futbollistë shqiptarë:  Young Boys-Neuchatel Xamaks, fituan vendësit me rezultat 4 : 1

 

 

---