Zhvillim
Dëshira për emigrim rikthen zanatin në Shqipëri
“Ëndrra ime më e madhe është që të iki në Gjermani, dëshira më e madhe e imja. Nuk mund ta ushtroj profesionin këtu se nuk ka pagesë, dhe të shkon mundi kot”, ka thënë i riu shqiptar, Ebulen Mata
Mijëra të rinj shqiptarë dëshirojnë të punojnë në Evropën Perëndimore. Kjo ka bërë që të rinjtë të mësojnë zanate në mënyrë që të kenë më të lehtë të gjejnë punë.
Kjo është edhe ëndrra e të riut shqiptar, Ebulen Mata. Por, ai edhe pse mësoi punën si hidraulik, zanat të cilin e mësoi në qendrat e formimit profesional, nuk i ndihmoi shumë. Me zanat dhe i papunë, ai nuk u dorëzua. Ai nisi një kurs tjetër për panelet diellore.
Por, këtë herë, ai ka një ëndërr që nuk lidhet me Shqipërinë. “Do të sakrifikoj shumë, për shkollën dhe do t’ia dal. Qëllimi im është një njeri që të më njohin të gjithë, që mund të bëj ëndrrën time dhe të gjej një punë që mund të ndihmoj familjen. Ëndrra ime më e madhe është që të iki në Gjermani, dëshira më e madhe e imja. Nuk mund ta ushtroj profesionin këtu se nuk ka pagesë, dhe të shkon mundi kot”, ka thënë Ebuleni për “TCH”.
Ai jeton në Fushë Krujë, por për të ndjekur kursin për panelet diellore i duhet të udhëtojë çdo ditë, në mëngjes herët, drejt Tiranës. “Nuk do jetë e lehtë të largohem nga familja, se do më mungojnë. Nuk e kam menduar si do ia bëj, si do i lë vetëm. Babai më ka dhënë kurajo shumë. i kam ngjarë babit, ai thotë do e bëj dhe unë do e bëj këtë punë patjetër”, ka shtuar ai, përcjell albinfo.ch.
Ebuleni është një i ri që do të jetë ndryshe nga një pjesë e mirë e bashkëmoshatarëve të tij të cilët ditën e kalojnë bareve apo lokaleve dhe mjaftohen me faktin që janë të papunë.
Po ashtu duke mësuar zanatin, ai mendon që nesër të jetë një emigrant ndryshe në një vend perëndimor duke shkuar atje me një zanat që kërkohet shumë.
Të tjera nga Zhvillim
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?