Shkatërrohet banda turko-shqiptare-spanjolle

29 persona janë arrestuar në Spanjë. Grupi është i përbërë nga shtetas turq, shqiptarë dhe spanjollë dhe është i dedikuar për trafikimin e heroinës nga Ballkani, Turqia dhe Holanda

Policia spanjolle ka bërë të ditur se ka arrestuar 29 persona që i përkasin një organizate ndërkombëtare të trazimit të drogës, raporton albinfo.ch.

Operacioni është zhvilluar në tri qytete të Spanjës, Madrid, Ourense dhe Pontevedra, ku edhe është zbuluar një laborator droge. 16 kg kokainë e pastër është sekuestruar.

Grupi është i përbërë nga shtetas turq, shqiptarë dhe spanjollë dhe është i dedikuar për trafikimin e heroinës nga Ballkani, Turqia dhe Holanda.

Gjithashtu mësohet se në laboratorin e drogës janë gjetur dhe sekuestruar mes të tjerash edhe 35.000 euro.

Hetimet nisën kur “Guardia Civil” zbuloi ekzistencën në Pontevedra, e një organizate drogë që mund të furnizonte me heroinë gjithë krahinën e Galicias në Spanjë, që furnizohej nga tre organizata turko-shqiptare. Këto të fundit vepronin në Madrid dhe Orense dhe ishin përgjegjëse për futjen e heroinës në Spanjë.