Arrestohen dy dilerë të drogës, njëri shqiptar

Një shqiptar 20-vjeçar dhe një nigerian 22-vjeçar janë arrestuar nga Policia e Cyrihut, pasi ishin dilerë të drogës

Policia e Cyrihut ka njoftuar se ka arrestuar dy dilerë të drogës, njëri prej tyre shqiptar dhe njëri nigerian, shkruajnë mediat zvicerane, përcjell albinfo.ch.

Njëri është kapur në qarkun numër 2, i cili ishte diler i heroinës, kurse ai i qarkut 10, ishte i kokainës.

Nga tërë ky aksion janë sekuestruar 400 gramë lëndë narkotike. Forcat policore arrestuan shqiptarin 20-vjeçar, i cili kishte rreth 110 gramë heroinë, kurse më pas kanë arrestuar edhe një nigerian, i cili me vete kishte katër gramë, kurse në shtëpi 290 gramë kokainë. Të dyve i është shqiptuar masa e ‘arrestit me burg’.