Admir Mehmedi, më i miri në skuadrën e Cyrihut

Cyrihu e ka fituar derbin e madh zviceran me rezultat 6:0 kundër ekipit Grasshoper, për herë të parë në historinë e derbit që nga viti 1964

Në këtë ndeshje ka treguar performancë superiore futbollisti shqiptar nga Maqedonia, Admir Mehmedi.

Lojtari kyç i ekipit, Mehmedi e ka shënuar golin e katër për skuadrën në minutën e 67, kurse Adrian Nikci e ka shënuar golin përfundimtar të takimit.

Mehmedi ka thënë në një intervistë për portalin 20min, se fitorja e thellë është diçka e veçantë por nuk ka rëndësi nëse ekipi i tij nuk ia arrin qëllimin.

Mehmedi po tregon gjithnjë e më shumë lojë cilësore. Ai ka shënuar 4 gola në gjashtë ndeshje..

Cyrihi mbetet në pjesën e poshtme të tabelës,　por fitorja do t’i shërbejë si movitim i mirë para ndeshjes së Ligës së Kampionëve ndaj Bayern Munchen.