Zvicra zgjidhë problemin e librashitësve të Prishtinës

Me ndihmën helvetike, gjatë vitit të ardhshëm do të vendosen qoshqe moderne në sheshin qendror të Prishtinës, ku do të shiten librat nga disa shtëpi botuese

Me ndihmën e qeverisë së Zvicrës, sheshi Zahir Parjaziti në Prishtinë do të duket më i bukur, sidomos pjesa ku shitën librat. Me ndihmën helvetike, gjatë vitit të ardhshëm do të vendosen qoshqe moderne, ku do të shiten librat nga disa shtëpi botuese. Projektin e ka publikuar edhe kryetari i Komunës së Prishtinës, Shpend Ahmeti.

“Para disa muajsh me konkurs kemi vendosur mbi dukjen e re të librashitësve në shesh. Tani në bashkëpunim dhe bashkëfinancim me DEMOS-in Zviceran është publikuar tenderi për ndërtimin e tyre. Në fillim të vitit 2017 do të kemi dukje të re për librin.  Lokacionet janë vetëm për ilustrim”, ka deklaruar prefekti i Prishtinës, i cili gjithashtu ka participuar në këtë projekt.

Ndryshe, shtatëmbëdhjetë Komuna të Republikës së Kosovës, kanë përfituar nga projekti më i madh i financuar nga ambasada zvicerane, i cili ka për qëllim që të përmirësojë qeverisjen dhe ofrimin e shërbimeve për qytetarët në tri fusha: në shërbimet publike, menaxhimin e mbeturinave, menaxhimin financiar dhe demokracinë lokale.

Komunat që kanë përfituar nga ky projekt janë: Prishtina, Kamenica, Novobërda, Graçanica, Lipjani, Vitia, Kacaniku, Peja, Gjakova, Rahoveci, Ranilluga, Parteshi, Kllokot Vërboc, Hani i Elezit, Mamusha dhe Juniku.