Shqiptari i pasionuar pas Versaces, bën bujë edhe në mediat angleze

Shenki Maslani

Një shitës makinash shqiptar, Shenki Maslani, 30-vjeçar është i rrethuar nga jeta e tij me Versacen. Për të ka shkruar edhe e përditshmja britanike ‘The Sun”, duke treguar për jetën e tij, që është e rrethuar nga marka e njohur, përcjell albinfo.ch.

“Unë kam qenë i fiksuar pas Versaces që nga viti 2009. Kam filluar të blejë rroba Versace dhe më pas çdo gjë në shtëpinë time ka qenë vetëm Versace.

Makinat e mia, pishina në shtëpi, pllakat në kuzhinë, stolitë e mia, perdet, të gjitha. Edhe pllakat që i kam blerë shkruajnë Versace. Perdet gjithashtu. Çdo artikull në shtëpinë time është vetëm Versace. Madje, edhe jeta ime”, ka thënë ai.

“Jeta ime është Versace. Nuk pendohem që të brendshmet i blej 188 euro, ose 45 euro çorapet”.

Ai planifikon që të hapë një kafe në kryeqytetin e Maqedonisë, Shkup dhe të ndërrojë mbiemrin. “Që katër vjet kam përdoru mbiemrin jo-zyrtarisht, kurse tashmë gjithçka do të jetë zyrtare.

“Kafja do të jetë një imazh i Versaces. Besoj se do të jetë një atraksion i mirë për turistët. Planifikoj që edhe Donatella Versace të jetë në ceremoninë e hapjes. Shpresoj se ajo do të vjen”, theksoi ai.