Dy të rinj shqiptarë, 535 ditë pa leje në Gjermani

Sipas rregullave ata do të duhej të lëshonin zonën e shengenit më së largu më datën 13.03.2015. Por, ata kishin vazhduar qëndrimin e tyre deri më datën 29.08.2016

Gjatë kontrollit të pasagjerëve të fluturimit për në Beograd, policia kontrollore në Aeroportin e Stutgartit ndaloi të hënën e kaluar dy shtetas shqiptarë.

Dy të rinjtë e moshës 18 vjeçare ishin të pajisur më pasaporta shqiptare dhe  raportohet se kishin qëndruar në Gjermani më shumë se sa e kishin të drejtën në vizën shengen prej 90 ditësh, gjegjësisht 180 ditësh, thuhet në një komunikatë të policisë gjermane.

Pas një shqyrtimi përfundimtar të dokumenteve nga ana e zyrtarëve, doli se ata kishin hyrë në territorin e Gjermanisë më datën 14.12.2014.

Sipas rregullave ata do të duhej të lëshonin zonën e shengenit më së largu më datën 13.03.2015. Por, ata kishin vazhduar qëndrimin e tyre deri më datën 29.08.2016, përcjell “albinfo.ch”.

Pra, që të dy 18 vjeçare kishin qëndruar ilegalisht për 535 ditë. Si përfundim atyre iu lejua të bëhet kthimi në vendlindjen e tyre ndërsa për qëndrimin ilegal, iu shqiptuan dënimet sipas rregullores së shengenit.

Albinfo.ch