Mustafi shumë afër Arsenalit

Tashmë pritet që përfaqësuesi i Gjermanisë t’i nënshtrohet testeve mjekësore dhe të nënshkruajë kontratën me londinezët

Trajneri i Valencias, Pako Ayestaran, ka konfirmuar se Shkodran Mustafi do të transferohet tek skuadra e Arsenalit. Mustafi ka nisur udhëtimin drejt Londrës për të kryer testet mjekësore pranë klubit të ri, shkruan albinfo.ch.

Ai pritet ti kushtojë Arsenalit plot 35 milionë funte. “Oferta është e konsiderueshme dhe kemi zëvendësues adekuat. Do të transferohet sigurt në Arsenal”, tha Ayestaran.

Ardhjen e Mustafit në Arsenal e ka komentuar edhe trajneri francez, Arsene Wenger, i cili është shprehur se mbrojtësi shqiptar do të transferohet 99.9 % në Londër.

Tashmë pritet që përfaqësuesi i Gjermanisë t’i nënshtrohet testeve mjekësore dhe të nënshkruajë kontratën me londinezët.