Asiston Taulant Xhaka

Xhaka ndihmoi në fitoren 4:1 që Baseli mori mbrëmjen e së shtunës ndaj Luganos duke dhënë edhe një asist për Sfefen, i cili realizoi golin e dytë në minutën e 48-të të lojës

Kuqezinjtë e Kombëtares shqiptare të futbollit bëhen protagonistë me ekipet e tyre në Zvicër dhe Francë. Taulant Xhaka vijon të jetë në krye të kampionatit zviceran me ekipi e tij të Baselit, ndërsa Emir Lenjani zbret në fushë me francezët e Rene, pas dilemave për një largim të mundshëm nga Liga 1, shkruan albinfo.ch.

Xhaka ndihmoi në fitoren 4:1 që Baseli mori mbrëmjen e së shtunës ndaj Luganos duke dhënë edhe një asist për Sfefen, i cili realizoi golin e dytë në minutën e 48-të të lojës.

Me këtë rezultat Baseli vijon të udhëheq Superligën zvicerane me 15 pikë, 6 pikë larg Luzernit në vendin e dytë, e cila ka edhe një ndeshje më pak.

Ndërkaq, Emir Lenjani u aktivizua nga trajneri Kristian Gurkuf në minutën e 72-të të pjesës së dytë, duke zënë vendin e Said, ndërsa ndeshja mes Renes dhe Nansit u mbyll me shifrat 2:0.

Aktivizimi i Lenjanit me Rene u duk surprizë pasi pak ditë më parë emri i tij u përfol për kalimin tek një tjetër klub në Ligën 1, te Guingampi.