Shqiptarët kundër gjigantëve në Angli

Dita e shtunë është mjaft e rëndësishme për shqiptarët që luajnë në Ligën Premiere, pasi do të ndeshen me skuadrat e mëdha, shkruan albinfo.ch.

Mesfushori i Zvicrës, Xherdan Shaqiri me Stoken do të luajë ndaj Manchester Cityt. Shaqiri kishte shkëlqyer edicionin e kaluar ndaj “Qytetarëve” dhe këtë do të mundohet ta bëjë edhe sot, madje edhe kundër ish-trajnerit të tij, Pep Guardiola, i cili nuk kishte shumë besim në të sa ishin në Bayern.

Mesfushori tjetër i Zvicrës, Valon Behrami me skuadrën e tij Watford do ta presë Chelsean, që është njëra nga skuadrat më të përforcuara dhe pretendente për titullin e kampionit. Behrami pritet të luajë titullar dhe me ardhjen e trajnerit të ri, Walter Mazzarri pritet të ketë më shumë minutazh këtë edicion

Granit Xhaka i cili u transferua në Arsenal gjatë verës do të ballafaqohet me kampionin e Anglisë, Leicester City. Xhaka debutoi javën e kaluar kundër Liverpoolit, duke hyrë në lojë në minutën e 65-të.