Integrimi
Aktivitet sportiv dhe integrues: “Sporti flet një gjuhë”
"Më 21 gusht 2016 ju ftojmë të merrni pjesë në turnirin amator të futbollit "Sport spricht eine Sprache" (Sporti flet një gjuhë) i cili organizohet nga ABSM dhe BSC Old Boys në stadiumin “Schützenmatte” Basel
Qendra për Arsimim dhe Këshillim të Migrantëve ABSM në Bazel vazhdon traditën e organizimit të aktiviteteve të saj në drejtim të integrimit të të huajve në shoqërinë zvicerane. Integrimi përmes sportit është ndër format që janë treguar më të suksesshme. Në këtë drejtim, ABSM organizon aktivitetin “Sport spricht eine Sprache” (Sporti flet një gjuhë).
“Më 21 gusht 2016 ju ftojmë të merrni pjesë në turnirin amator të futbollit “Sport spricht eine Sprache” (Sporti flet një gjuhë) i cili organizohet nga ABSM dhe BSC Old Boys në stadiumin “Schützenmatte” Basel. Ngjarja fokusohet tek sporti, si një element kulturor, i cili bashkon Zvicrën dhe emigrantët, transmeton albinfo.ch.
Në ceremoninë e hapjes dhe gjatë zhvillimit të veprimtarive do te ketë edhe shumë të ftuar nga fusha e politikës, e institucioneve qendrore kantonale si dhe e sportit”, bëhet e ditur në njoftimin e dërguar nga ABSM.
Ngjarja sportive për vendasit dhe popullsinë migrante mbahet në objektin sportiv Schützenmatte në Basel. Sporti është i njohur si një element i shkëlqyer për të bërë bashkë njerëz nga kultura të ndryshme dhe me gjuhë të ndryshme. Turneu i futbollit është menduar që të krijojë një takim ndër-kulturor në mes të popullsisë lokale dhe emigrantëve.
Në frymën e “Sporti flet një gjuhë” organizatorët duan për të nxitur integrimin e banorëve të rinj dhe njerëve me sfond të migrimit. Vendasit dhe emigrantët do të marrin pjesë në turneun e futbollit. Ngjarja është e hapur për të rinj dhe të vjetër, për familjet dhe miqtë, si dhe për ata që janë të interesuar në sport dhe integrimin.
Hapja zyrtare do të mbahet në ora 11, në të cilën Andreas Räss, Shef i Njësisë së Diversitetit dhe Integrim, në një fjalim të shkurtër do të bëjë fjalë në lidhje me integrimin. Më pas vizitorët mund të gëzojnë një shfaqje të valleve popullore shqiptare nga shkolla e vallëzimit SHOTA.
Përveç me turneun e futbollit, burrat, gratë dhe fëmijët mund të argëtohen në kompleksin sportiv të basketbollit dhe volejbollit. Sidomos për fëmijët dhe të rinjtë ka aktivitete emocionuese, të tilla si vrapimet 100 metra etj.
Ata që duan të regjistrohen, këtë mund ta bëjnë duke e klikuar linkun më poshtë:
Info rreth ngjarjes
- Data e fillimit21 Gusht 2016
- Ora08:30
- LokacioniBazel
- Data e përfundimit11 Gusht 2016 - 20:00
E-Diaspora
-
Lidhja e Mjekëve Shqiptarë në Zvicër ngushëllon familjen Dalipi "Komuniteti mjekësor në Zvicër humbi sot papritmas kolegun e nderuar, doajenin e psikiatrisë dhe psikoterapisë Dr.med....
-
Ndahet nga jeta psikiatri, Dr. med Sami Dalipi
-
Shënohet Dita ndërkombëtare e remitencave, Kosova ka rritje ndër vite
-
Komuniteti Musliman Shqiptar në Zvicër uron festën e Kurban-Bajramit
-
Si e sheh Zvicra Kosovën në 25 vjetorin e çlirimit
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë