Kanabisi legalizohet pjesërisht në katër qytete të Zvicrës

Katër qytetet më të mëdha të Zvicrës: Cyrihu, Gjeneva, Bazeli dhe Berna, pritet të startojnë katër projekte pilot në të cilat rreth 2000 pjesëmarrës do të konsumojnë legalisht kanabisin

Në Zvicër konsierohet se janë 500 mijë persona që konsumojnë kanabisin, i cili ashtu si dhe drogat tjera, është i ndaluar. Për një numër të vogël të tyre kjo ndalesë pritet të hiqet së shpejti, njofton srf.ch.

Katër qytetet më të mëdha të Zvicrës: Cyrihu, Gjeneva, Bazeli dhe Berna, të qeverisura nga SP/PS dhe të Gjelbrit, pritet të startojnë katër projekte pilot në të cilat rreth 2000 pjesëmarrës do të konsumojnë legalisht kanabisin, transmeton albinfo.ch. Për nisjen e këtij projekti është arritur marrëveshje të enjten në mes të ekspertëve të drogës në Bernë.

Në Cyrih dhe në Gjenevë, të rriturit dhe të rinjtë me probleme të rënda të drogës do të kenë të drejtë të tymosin kanabisin në mënyrë të kontrolluar. Në Bazel është planifikuar një ecuri e ngjashme me konsumuesit e moshës madhore. Ndërsa në Gjenevë lkanabisi në këtë projekt do të jepet si medikament.

Projektet janë caktuar të zgjasin katër vite. Në rast se qeveritë dhe Zyra Federale për Shëndetësi i miratojnë, ato mund të fillojnë qysh këtë vit.