Astrit Alihajdaraj shfaqet në filmin “Soko…” në ZDF

Pas suksesit që kishte seriali e filmit Soko Kitzbuhel -Erlösung në ORF vitin e kaluar, sonte prej orës 18.05 – 19.00 , ky serial do të transmetohet edhe në televizionin gjerman ZDF.

Në një nga rolet kryesore në këtë serial do ta këtë edhe aktori shqiptar i cili jeton në Vjenë të Austrisë, Astrit Alihajdaraj.

Djaloshi nga Istogu në këtë serial luan rolin e një investori shumë të pasur hotelesh.

“ Seriali është prodhim i televizioneve ORF të Austrisë dhe ZDF. Preimiera e këtij seriali ka qenë verën e kaluar në ORF, ndërsa sonte do të shfaqet në televizionin gjerman ZDF duke filluar prej orës 18.05”, ka thënë Astriti për “albinfo.ch”.

Ndërkohë, aktori i njohur shqiptar në Austri është i angazhuar edhe më shfaqje teatrale. Aktualisht është pjesë e shfaqjes “Atmen” premiera e së cilës është dhënë më 11 janar dhe do të qëndrojë në repertorin e teatrit Theater Drachengasse të Vjenës deri më 6 shkurt.

“Kjo shfaqje është e autorit Duncan Macmillan. Një shfaqje vetëm me dy personazhe. Një çift modern i kohëve te sotit që jeton në një qytet të madh dhe i cili ballafaqohet më të ardhmen e tyre: të martohen? të kanë fëmijë? si dhe ruajtja e ambientit është temë prezente në këtë shfaqje”, thotë Astriti për albinfo.ch.

Në të njëjtën kohë ai është i angazhuar edhe në Musikllin “Call me Madam” në Luxembourg që do prezantohet nesër dhe pas nesër atje. “Edhe ne Musicel jam me një rol kryesor, në rolin e Cosmo Constantine, kryeminister i Lichtenburgut. (Emer ky ne shfaqje qe ne realitet ishte Luxemburg)”, thotë aktori Alihajdaraj.

Albinfo.ch