Një shqiptar vdes në vendin e punës në Itali

Një shqiptar, i cili jetonte dhe punonte në Itali, ka humbur jetën në vendin e punës. 40-vjeçari Alban Hadri, banues afër një vendi të vogël në afërsi të Bolzanos së Italisë, derisa ishte duke punuar është rrëzuar nga një dritare prej shtatë metrave, nga ku ka marrë lëndime të rënda. Kolegët e tij të punës kanë thirrur menjëherë ndihmën e shpejtë për t’i dalë në ndihmë të lënduarit, shkruan sudtirolnews.it. përcjell albinfo.ch

Ai u dërgua me helikopter në Bolzano për t’iu nënshtruar kontrollit intensiv në spital. Por, me sa duket, të gjitha përpjekjet ishin të kota. Të martën 40-vjeçari shqiptar ndërroi jetë, përcjell albinfo.ch.

Alban Hadri ka lënë gruan dhe dy fëmijë.