94 kilogramë ushqim për person shkon në mbeturina

Në Waisenhausplatz të Bernës është titulluar ekspozita "Hedhja e ushqimeve në mbeturina është çmenduri”

Çdo banor i Zvicrës hedh në vit nga 94 kilogramë ushqim në mbeturina. Me rastin e Ditës Botërore të Ushqimit, një ekspozitë në Bernë tërheq vëmendjen për harxhimin e tepruar të ushqimit.

Një deri në katër persona në familje shpenzojnë rreth 2 mijë franga për ushqime, që në fund përfundojnë në plehra.

Kjo u bë e ditur nga Komiteti Kombëtar Zviceran (FAO), Zyra Federale për Bujqësi (BLW) dhe Agjencia Zvicerane për Zhvillim dhe Bashkëpunim (DEZA).

Në Waisenhausplatz të Bernë është titulluar ekspozita “Hedhja e ushqimeve në mbeturina është çmenduri”. Organizatorët nëpërmes ekspozitës synojnë të informojnë dhe të rrisin ndërgjegjësimin rreth kësaj çështjeje.

Organizatorët në ekspozitë kanë dhënë këshilla në mënyrë që ushqimi të mos përfundojë në mbeturina. “Kuzhina duhet të planifikohet mirë”, tha kuzhinieri Philippe Rochat. “Nuk duhet të blejmë shumë. Përveç kësaj, ka mijëra ide për përdorimin e skaduar të ushqimit”, tha Rochat.